Славниот холивудски актер Џорџ Клуни се разнежни раскажувајќи за своите двегодишни близнаци и се пофали како неговите деца во тие години знаат многу работи.
Близнаците на Клуни, кои му ги роди сопругата Амал, Александер и Ела, следниот месец полнат две години, а актерот едноставно ја обожава и ужива во улогата на татко.
„Тие се добри и среќни деца. Многу се смеат, постојано прават некои итроштини, ставаат путер од кикирики во чевлите и слично. Иако се близнаци, карактерно се сосема различни, тие се паметни и забавни деца. Веќе ја знаат целата абецеда на англиски и италијански јазик. Јас дури ни на англиски не ја знам цела“, нагласи актерот.
Клуни проговори и за својата убава сопруга Амал.
Освен близнаците, Клуни се пофали и својата сопруга Амал, која постигнува неверојатни резултати работејќи на унапредувањето на човековите права како адвокатка, но совршено балансира со деловниот и приватниот живот.
„Таа го води случајот ИСИС на суд, што никој досега не го направил. Покрај целата своја работа, таа е и неверојатна мајка и сјајна сопруга. Се чувствувам како да сум добил џекпот“, изјави Клуни.
Среќниот пар е во брак од 2019 година, а родители станаа три години подоцна. Деталите од приватниот живот не сакаат често да ги изнесуваат во јавноста, иако важат за еден од омилените брачни парови во светот на шоубизнисот.
