Популарниот пејач Миле Китиќ гостуваше во емисијата „Premijera – Vikend specijal“ во која зборуваше за новите проекти што ги подготвува, но и за сопругата Марта и ќерката Елена, коja исто како и нејзините родители се впушти во музичката индустрија. Тој откри зошто ретко го гледаме во медиумите.
View this post on Instagram
– Ако немам причина, не доаѓам многу да не бидам излишен. Во последниве години, ако снимам нешто добро, доаѓам во емисија за да се промовирам. Мојата сопруга Марта престана да го прави тоа од пред десет години. Елена штотуку почна и е малку поинаква, не сака да се експонира, но ќе мора – изјави Миле и додаде што мисли за Елена и нејзиното место на естрадата:
View this post on Instagram
– Мислам дека добро плива, имаше одлични песни со Буба и Јала, со Раста исто така, тоа ѝ се допаѓа и ја поддржуваме – вели Китиќ и напоменува дека полека доаѓаат помлади генерации, а неговите полека се откажуваат.
Како и сите други, пандемијата на коронавирус тешко го погоди, а пејачот не крие дека првпат се почувствувал безвреден.
– Проклетата корона ми падна многу тешко, некои од нас над 60 години не се осмелуваат да излезат надвор. Почнав да се чувствувам безвредно, како некој дедо. Ми недостасуваше нормален живот, но луѓето ме бараат, се чувствувам здрав, цел живот спортувам, како млад играв фудбал во Сараево, скијав со години, спортот ме одржуваше сите овие години – заклучува Миле Китиќ.
