На голема радост на сите вас – почнавме уште една прекрасна соработка со готвачка за која готвењето е уметност – Наташа Мустафа.
Оваа врвна креативка во кујна своите маестрални рецепти ги објавува на својот инстаграм-профил, а сега вкусните рецепти ги доближуваме и до вас!
(РЕЦЕПТ) НАТАША НИ НАПРАВИ МАФИНИ ОД ПАЛЕНТА СО СПАНАЌ: Рецепт во кој здравото е синоним за вкусно!
„ЉУБОВТА КОН ГОТВЕЊЕТО ЈА НАСЛЕДИВ ОД ДВЕ ПРЕКРАСНИ ЖЕНИ, ИЗВОНРЕДНИ ВО КУЈНА, МАЈКА МИ ЗОРЕ И БАБА МИ РАДА. ГОТВЕЊЕТО МЕ ОПУШТА И ПРЕКУ НЕГО ЈА ИЗРАЗУВАМ МОЈАТА КРЕАТИВНОСТ. ГОТВАМ, СЕРВИРАМ, ФОТОГРАФИРАМ.ТОА Е МОЈ НАЧИН ДА ЈА РАСКАЖАМ ПРИКАЗНАТА И ПРЕНЕСАМ ПОРАКАТА ДЕКА ГОТВЕЊЕТО Е УМЕТНОСТ“, НИ ОТКРИВА НАТАША.
(РЕЦЕПТ) НАТАША НИ НАПРАВИ ТАРТ СО ТИКВИЧКИ: Посна, здрава и вкусна идеја за ручек или вечера
За денес, нашата драга Наташа со сите вас споделува рецепт за ќофтиња од компир и леблебија.
„Посно, на вода, здраво и превкусно“, вели Наташа.
Потребни состојки:
- 2 варени компири
- 200 гр варена леблебија
- 2 моркови
- 1 главица кромид
- лукче
- магдонос
- 2-3 лажици таан
- 1 лажица путер од кикирики
- 1 лажица сенф
- Сол, бибер, куркума
View this post on Instagram
Подготовка:
Сè се ренда, сецка, пасира. Од смесата со лажица се става во тава обложена со хартија за печење. Се обликуваат како ќофтенца, во кружна форма. Наросив сусам на секое. Послужив со сос од сенф и мед. Ќофтињата се печат околу 20 минути на 200 степени.
На здравје!
