Пензионеркара Јагода Каранфиловска од кумановското Агино Село, има двор кој е своевидно огледало на нејзината голема љубов кон цвеќињата.
За дворот се грижи самата, посветено и со радост, па оттука времето поминато во нега на цвеќињата не се премерува со часовник, но секако, станува збор за најмалку три часа во денот.
– Кога би имала поголем двор – би имала уште повеќе цвеќиња, вели Јагода која сепак, смета дека нејзиното рајче е мало, иако се простира на дури тристотини квадратни метри.
Доминираат саксиските цвеќиња, и сите ѝ се омилени!
– Зимно време ги прибирам внатре, но оние кои не мрзнат остануваат надвор – објаснува таа, нагласувајќи дека за нега на цвеќе треба да се има мерак.
Инаку, Јагода е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
УЖИВАЈТЕ ВО ФОТОГАЛЕРИЈАТА:
ФОТО – ПРИВАТНА АРХИВА
