Шведската актерка Ингер Нилсон (60) имала само осум години кога ја глумеше познатата Пипи Долгиот Чорап во истоимената серија. Оваа улога ја прослави, но поради тогашните закони, таа никогаш не доби хонорар за неа.
Поради тоа што Ингер никогаш не добила ни денар за планетарната популарна улога, нејзините фанови кои пораснаа со овој филм се одлучиле да соберат донации за актерката и нејзините филмски пријатели Аника и Томи.
Досега се собрани 37.000 долари, меѓутоа иако било очекувано актерката да биде среќна поради своите фанови, на неа оваа идеја и не се допадна многу.
– Прво бев лута, бидејќи не сакам да изигрувам жртва и да барам милост. Кога се смирив сфатив дека тоа е само еден нивни знак за почит за да ни покажат колку не сакаат – изјавила Пипи Долгиот Чорап.
Ингер за првпат во улога на Пипи Долгиот Чорап се најде во 1969 година, кога легендарната серија беше снимена по истоимената книга на Астрид Линдгрен.
Нејзиното вистинско име е Катрин Ингер Моника Нилсон. Таа денеска живее во Стокхлом и работи како секретарка, а повремено прифаќа по некоја театарска улога.
