Руската рок група „Землјане“ која на руската музичка сцена постои повеќе од четири децении ја „присвои“ добро познатата за сите нас песна „Боже чувај ја од зло“ од Тоше Проески, а она што ги разгневи неговите фанови е дека групата оваа песна ја претстави како своја.
Плагијатот го носи насловот „Боже“ и истиот е промовиран на нивниот канал на YouТube уште на крајот на месец февруари оваа година.
За да биде уште потрагично, под самата песна е наведен и тимот кој се претставува дека ја создал оваа песна, па така „авторите“ на ова дело се Владимир Трушин, односно автор на музиката, и Владимир Киселев кој е потпишан под текстот, кој всушност е само преведен и прилагоден на руски јазик.
„Боже чувај ја од зло” од оригиналниот Тоше Проески е еден од неговите најголеми хитови, а таа се најде на неговиот албум „Игри без граници” кој беше издаден во 2007 година.
Ова е плагијатот, во чии коментари можете да прочитате бројни осуди за ова дело од фанови и љубители на делото на Тоше од целиот свет.
Уживајте во оригиналот
