Кои се клучните работи во постигнувањето на продуктивноста?
Кај поголемиот број од луѓето, продуктивноста е највисока наутро…
„50 во 90“ и отфрлањето на листата со обврски – клучни работи во постигнување на продуктивноста.
Експертите преку истражувања дојдоа до правилото дека најтешките 50 проценти од обврските се обавуваат во првите 90 минути.
Луѓето обично работат спротивно, а кога конечно ќе дојдат до најтешкиот дел, сфаќаат дека повеќе немаат сила. Не е случајно измерено времето од 90 минути, бидејќи е докажано дека вниманието исчезнува по интервал од час и половина до два часа.
За да го примените ова правило, не би требало да дозволите било што да ви го одвлече вниманието, ниту поглед во телефонот, ниту мејлот, зборувањето со колегите и сл.
Кога знаеме дека веќе сме го одработиле најголемиот и најтежок дел од работата, попладне ќе бидеме поопуштени, а со самото тоа и попродуктивни.
