Откако изјавила дека бара донатор на сперма, на Шерил ѝ се јавиле бројни обожаватели и понудиле да бидат волонтери.
Британската пејачка Шерил Кол, која некои ја сметаат за една од најубавите жени на светот, прв пат јавно призна дека никогаш немала среќа во љубовта. Поради таа причина 36-годишната поп-ѕвезда одлучила дека не ѝ е потребен нов маж за да го прошири своето семејство, па затоа ќе побара донатор на сперма. Позади неа е врската со музичарот Лиам Пејн (One Direction) со кого го има 2-годишниот син Беар, но денес се чувствува како времето во потрага по нов партнер ѝ истекува и сака исклучиво да се посвети на процесот на добивање ново дете.
„Да е времето на моја страна и да сум во 20-те, да, би разгледувала повеќе опции и би чекала некој што ќе сметам дека е вистинскиот. Вие можете да запознаете некој и да се чувствувате прекрасно поради тоа, но никогаш не постои гаранција, бидејќи може многу работи да се случат. Животот е смешна игра“, изјавила Шерил за магазинот The Times.
Затоа таа планира да има уште најмалку 2 деца и тврди дека ќе побара соодветен донатор. Освен врската со Лиам, позади Шерил е и бракот со францускиот реставратор Џин Бернард Фернандез Версини, за кого се омажи после 3 месеци врска во 2014 година, како и бракот со фудбалерот Ашли Кол, кој траеше од 2006 година до 2010 година.
Таа за магазинот признала дека не е многу добра во бирање на партнер и дека ја привлекуваат луѓе со црти на личности кои всушност ги мрази. Откако изјавила дека бара донатор на сперма, на Шерил ѝ се јавиле бројни обожаватели и понудиле да бидат волонтери.
