Диетичарката Сузи Бурел одлучи да им помогне на сите кои имаат лошо расположение. Всушност, како што тврди таа, постојат пет намирници кои се особено корисни за енергијата.
Одлична вест е што станува збор за продукти кои се дел од медитеранската исхрана, која со години важи за најдобриот облик на исхрана, а нам ни е многу блиска.
Зеленчук со маслиново масло
Првото што Сузи го препорачува е зеленчук во сите бои со екстра вирџин маслиново масло.
„Не е важно дали е сирово, готвено или цедено, битно е многу да го јадете. Брокулата, краставиците и морковот ќе ве заштитат, па слободно јадете ги во поголеми количини кога сте на диета“, вели.
Лосос
Наредната работа на списокот на оваа диетичарка е лососот кој содржи здрави масти и витамин Д. Во лососот се наоѓаат и омега-3 масни киселини кои не само што го подобруваат расположението, туку и го намалуваат крвниот притисок и го намалуваат ризикот од срцеви болести. Сузи советува да, доколку е можно , секој втор ден јадете 100 грама лосос.
Јаткасти плодови
Јаткастите плодови се полни со протеини, здрави масти, селен и витамин Е. Кога и да сте лошо расположени или почувствувате дека енергијата ви паѓа, изедете јаткасти плодови, но не повеќе од една рака дневно.
Кисело тесто
Иако лебот од кисело млеко обично е поскап од обичниот, Сузи го препорачува заради здравствените придобивки што ги носи. Таа вели дека во киселината има хранливи материи кои го подобруваат расположението и здравјето на цревата. Јадењето на една парче таков леб со путер од кикиритки е рецепт за идеален почеток на денот.
Банани
Бананите се познати како овошје кое содржи многу калиум и витамин Б, но имаат и добро влијание врз нивото на енергија.
„Освен тој фактор важен за менталното здравје, зелените, незрели банани имаат голем дел пробиотички влакна кои помагаат во оддржување на здрав дигестивен систем“, заклучила.
