Ова е вистинскиот рецепт за оние кои повеќе сакаат солени отколку слатки палачинки.
За подготовката на ова вкусно јадење потребно ви е:
– 6 готови палачинки
– 1 главица кромид
– половина килограм свежа зелка
– 200 грама мелено месо
– масло
– сол и бибер
– 2 јајца
– 200 милилитри јогурт
– 200 грама кисела павлака
– малку кашкавал
Подготовка:
На масло пропржете го сецканиот кромид, па додадете го меленото месо. Пржете го некое време, па додадете ја зелката и динстајте ја. Додадете сол и бибер.
Во палачинката ставете две лажици од филот, завиткајте ги краевите и завиткатајте ја целата палачинка.
Во подмачкан плех редете ги така сите подготвени палачинки. Изматете ги јајцата, додадете го јогуртот и павлаката, добро измешајте и прелијте ги палачинките.
Одозгора изрендајте малку кашкавал, па печете во рерна на 220 степени околу 20 минути.
