Британската кралица Елизабета Втора организираше голема чаенка во градината на Бекингемската палата.
„Кога ќе повикаш 8.000 луге на чај во градината, се надеваш дека сонцето ќе сјае“, се пошегува кралицата во разговорот со присутните на сметка на променливото време.
Меѓу присутните беа и војводата и војвотката од Кембриџ.
Сосема очекувано, војвотката Кејт Мидлтон на забавата се појави во многу елегантна комбинација која целосно одговараше на дрескодот за оваа прилика, поради која сите присутни гледаа во неа.
Елегантниот и децентен капут-фустан од модната куќа Александар Меквин во нежно-розева нијанса со плисирани детали го комбинираше со шешир кој го креираше Џулиет Ботерил.
На нозете ги носеше своите омилени салонки со кремаста боја со потписот на Џанвито Роси, а најосновните ситници ги смести во мини торбата од брендот Лофлер Рандел.
