Маја Гроздановска – Панчева сподели ретка слика од времето на 2000-тите заедно со Сергеј Варошлија кој се запраша: „Кај одиме вакви?“.
Познатиот стилист и водител сподели фотографија од пред многу години, која пејачката ја реобјави на својата инстаграм-приказна.
На сликата двајцата се во препознатливиот стил на раните 2000-ти, каде доминираат фармерки со низок струк, впечатлив накит и бели јакни.
Сергеј, кој денес важи за еден од најстрогите модни критичари кај нас, не одолеа да се пошегува на сопствена сметка и на сметка на својата долгогодишна пријателка.
„УФФФФ КАЈ ОДИМЕ ВАКВИ… НИ САМ НЕ ЗНАМ “, напиша тој на фотографијата.
Маја, која и денес важи за една од најубавите жени на нашата сцена, на фотографијата носи леопард принт и карактеристична фризура за тој период.
Другите заеднички слики кои ги споделија се од снимањето на спотот за хитот „Мачка со 9 животи“.
