Српскиот пејач Пеѓа Јовановиќ со сопругата Ана отпатувал на Малдивите, каде што уживаат во егзотичен одмор, а причината за ова посебно патување е прославата на нејзиниот роденден.
Ана веќе вториот ден од одморот споделила дел од атмосферата од луксузната дестинација на својот инстаграм-профил, а посебно внимание привлекло видеото од сместувањето во кое ја дочекало несекојдневно изненадување.
View this post on Instagram
Имено, во прекрасната бања со поглед на тиркизното море поставена е голема овална када, која била наполнета со вода и украсена со црвени ливчиња од цвеќе.
На површината на водата била направена и посебна цветна декорација, додека покрај кадата се наоѓал послужавник со свеќи и црвен цветен аранжман.
Над кадата бил закачен голем натпис „Среќен роденден“, заедно со декоративни пеперутки, кои му на целиот простор му дале дополнителна роденденска магија.
View this post on Instagram
Посебен впечаток остава погледот низ големите прозорци, од каде што се отвора нереален поглед на кристално чистото, тиркизно море и луксузните бунгалови над водата. Целиот амбиент зрачи со луксуз, романтика и целосно уживање.
Ана не го криела воодушевувањето поради изненадувањето, па со објавата кратко напишала: „Ваква роденденска магија“.
Се чини дека Пеѓа и Ана одлучиле овој роденден да го прослават на посебен начин, далеку од секојдневните обврски, опкружени со рајските пејзажи на Малдивите.
