– До крајот на денов времето во Македонија ќе биде променливо облачно со сончеви периоди и со слаб до умерен ветер од променлив правец. Попладне во западните предели ќе има мали услови за локален краткотраен дожд и ретки грмежи, ни објаснува метео-прогнозерот Славчо Попоски.
Максималната температура ќе се искачува во интервалот од 21 до 28 степени, додека во Скопје максималната температура ќе се искачи до околу 26 степени.
Според Славчо, за време на викендот времето кај нас ќе биде сончево и топло со умерена, локално и повремено и позначителна облачност. Ќе има услови и за ретка појава на локален краткотраен дожд и ретки грмежи, особено во попладневните часови.
– И за време на викендот ќе продолжи да дува слаб до умерен ветер од променлив правец. Температурите ќе бидат релативно високи ( КАСНО ЛЕТНИ) и ќе се искачуваат во интервалот од 22 до 31 степен, нагласува Попоски и додава дека отсега гледано, УШТЕ ПОТОПЛО ќе биде следната седмица, кога максималните температури ќе се искачуваат во интервалот од 26 до 33 степени.
