Секој од нас, барем еднаш во животот, се соочил со непослушни комшии кои одбиваат да престанат со галамата, сеедно дали во вид на музика, расправии, дерење по деца, љубовни воздишки… И секој од нас, барем еднаш, и самиот бил непристоен комшија.
Една мудра жена, мајка на две деца, наместо надлежните, за одмазда, повикала галеби. Е сега, ние на овие подрачја немаме галеби, па ќе си викнеме гулаби де. Важно да се заврши работата.
Хедер Миншул (37), нејзиниот сопруг и двете деца, додека уживале на одмор, младите соседи „рокале“ музика од Битлси , а молбата на Хедер да ја намалат музиката, останала игнорирана. Затоа Хедер смислила начин да им врати за непроспиената ноќ . Таа фрлила леб на покривот на куќата и на тој начин привлекла гласни галеби кои ги разбудиле мамурните соседи во 7 часот наутро.
– Ги замолив да ја намалат музиката, но тие не го сторија тоа и тоа траеше со часови. Дали згрешив? Мислам дека не – рече Хедер во видеото објавено на „ТикТок“ .
