Одлука за забрана за извоз на сурово и пастеризирано млеко донесе Владата на Република Србија на седница што се одржа денеска. Оваа одлука нема да се однесува за Македонија и за Албанија.
Според образложението на српската влада ваквата одлука има за цел да се овозможи редовно снабдување со млеко на населението и да се спречи одлив на суровини надвор од границите на државата.
Како што соопштија од српската влада, донесена е и измена на регулативата за ограничување на цената на основните прехранбени производи, која ќе важи до 30 септември 2022 година.
Со измената на регулативата цената на УХТ-млекото со 2,8 отсто млечна маст во пакување од еден литар се ограничува на 128,99 динари (1,1 евро).
Освен ограничувањето на цената на УХТ-млекото, ограничени се и трговските маржи со цел да се спречат шпекулативни активности на пазарот.
