Израдувајте ги домашните со овој лесен, едноставен и вкусен домашен колач.
Потребни состојки:
4 јајца
5 лажици брашно
3 лажици презла
2 банани
2 лажици мед
2 лажици кокосово масло
1 лажица прашок за пециво
150гр. кисело млеко
300гр. вишни
Начин на подготовка:
Одвојте ги белките од жолчките. Белките матете ги до цврст снег. Во друг сад жолчките матете ги заедно со изгмечените банани и јогуртот. Додадете го брашното, пецивото, медот и кокосовото масло, матете се додека да добиете хомогена смеса.¨Постепено додадете го и снегот од белки.
Смесата истурете ја во тава за печење бр. 20 обложена со хартија. Исчистените вишни се распоредуваат врз тестото, доколку се смрзнати, најпрвин одмрзнете ги и оставете ги во цедалка половина час да се исцедат. Се пече на 180 степени 25 минути.
