Секој од нас пробал полнети пиперки, а многу од нас и ги обожуваат. Покрај традиционалниот фил, дали сте пробале нешто вакво?
Секогаш е забавно кога на добро познатите вкусови кои ни ја „топлат душичката“ ќе им додадеме нов елемент кој ќе ни ги разигра непцата. Па пиперките, кои се еден од омилените зеленчуци и можеме да ги полниме на милион начини, постојано ни отвораат безброј такви нови кулинарски хоризонти.
View this post on Instagram
Дали сте пробале полнење со сос од мелени ореви? Ако не, еве еден рецепт кој може да го пробате и да ви ја разигра вкусната имагинација.
Состојки
- 15-20 пиперки
- 1 компир
- 2 лажици масло
- 3 главици кромид
- 2 ловорови лисја
- 1/2 лажичка црвен пипер
- 2 струнки праз
- 2 средни моркови
- 3 лажички сув билен зачин
- 1 лажичка сол
- 150 гр варен ориз
- 200 гр мелени ореви
- 1 лажичка сос од миризливи луковици
- вода
View this post on Instagram
Подготовка
Истурете го маслото во тавата и оставете да се загрее. Кога маслото ќе се загрее, додадете го исечканиот кромид и динстајте неколку минути. Додадете ловоров лист, бибер и продолжете да динстате.
Потоа додадете сецкан праз и рендан морков. Додадете сув билен зачин и продолжете да динстате.
Кога кромидот е убаво сварен, додадете го претходно сварениот ориз и мелените ореви. На крај додадете го и миризливиот пипер.
Подгответе ги пиперките и исечете ги компирите на кругови. Наполнете ги пиперките со филот и затворете ги со компири.
Наредете ги полнетите пиперки во длабока тава. Зачинете ги со сув билен зачин, полијте ги со вода и варете на тивок оган 1 час.
Кога пиперките ќе се сварат, печете ги во рерна на 200С околу 15 минути.
