Оваа супа има лесен и освежувачки вкус, а најдобра е кога се служи топла.
Потребни состојки:
Еден литар пилешка супа без тестенини
Мала чашка соја сос
Една лажичка ѓумбир во прав
Две лажички густин
Две јајца
Два млади кромида
Сол и бибер
Подготовка:
Во пилешката супа додадете го соја сосот и ѓумбирот и оставете да зовирие. Густинот измешајте го со малку ладна вода и ставете го во супата.
Откако смесата убаво ќе зоврие, изматете ги јајцата. Исклучете ја ринглата и полека, со мешање само во една насока, додадете ги изматените јајца во супата.
Зачинете и додадете го ситно исецканиот млад кромид.
