Читателите на нашето печатено издание веќе имаат прочитано за Ана Аврамова. Во текот на минатата година, во неделниот магазин за здрав живот, за прв пат се запознавме со нашата омилена веган-девојка. Ана има 29 години, доаѓа од сончевата Гевгелија, веган е веќе неколку години и за кулинарството има и диплома, а од првиот момент кога ги здогледавме слатките рецепти кои таа сама ги подготвува, веднаш и го доделивме епитетот гастро-уметник!
Во првата епизода од Без Мана со Ана, дознајте како да направите супер брз и вкусен десерт со авокадо. Ќе ви требаат само неколку состојки, блендер и добра волја за да го направите овој вкусен и здрав рецепт. Тагнете не на социјалните медиуми преку хаштагот #БезМана, ќе ги споделиме Вашите реализации!
