Општоприватено уверување е дека ботоксот го користат повозрасни жени за да ги измазнат брчките.
Но, во последно време е и многу популарен превентивниот ботокс, кој го користат и жени помлади од 30 години. Како и секоја интервенција, така и ботоксот има предности и негативности.
Оние кои го користат методот на превентивен ботокс всушност прават „преквалификација“ на фацијалните мускули. Најпрво се интервенира со ретинол, кој го стимулира создавањето на колаген и ја зајакнува кожата, а потоа се вбризгува ботокс.
Секако, ова не е наивна потреба и пред да се одлучите на таков чекор, мора да знаете дека консултацијата со дерматолози и козметичари е задолжителна, а ќе треба да воведете и многу промени во начинот на нега.
Секој професионалец ќе ви ги објасни процедурите и можните несакани ефекти. Најважно е да изберете професионалец кој ќе ја изврши интервенцијата, за да избегнете „смрзнат“ изглед. Според дерматолозите, луѓето го повторуваат „боцкањето“ еднаш до двапати годишно.
Најчесто превентивниот ботокс се вбризгува меѓу веѓите и над усните, како и во пределот на брадата. Доколку внимателно изберете каде ќе го правите, шансите за нуспојави се сведени на минимум. Се додека не претерувате, изгледот ќе ви остане природен, а за кратко време ќе ги забележите и ефектите.
Важно е да се знае дека оваа интервенција нема затегнувачки ефект и количините на ботокс се дозираат поинаку, односно се прави план за специфичниот случај.
Сепак, на вас е да размислите дали навистина ви е потребна ваква интервенција и секако, да се информирате од повеќе извори и да ги послушате советите на дерматологот кој сте го избрале.
