Две години по смртта на легендарната Слаѓана Милошевиќ, нејзиниот имот во Нов Белград е напуштен и запечатен. На вратата стои јасна порака дека влезот е забранет, додека глетката околу зградата сведочи за тажната судбина. терасата е руинирана, цвеќињата овенати, а поштенското сандаче е преполно со неплатени сметки кои повремено ги чистат само соседите.
Најголемата мистерија е целосното исчезнување на нејзиниот луксузен автомобил „ауди“, кој пејачката го купи за 25.000 евра во 2021 година. Според соседите, возилото едноставно исчезнало од паркингот и никој не знае кој го одвезол ниту каде се наоѓа сега.
Борба за наследството помеѓу браќата Причината за ваквата состојба е оставинската постапка помеѓу нејзините браќа Горан и Живко Милошевиќ. Покрај станот на Нов Белград и спорното возило, наследството опфаќа и недвижен имот на Дедиње и Баново Брдо, голем имот во Срем, како и приходи од странство за изведувачки права. Само за култната песна „Принцеза“, Слаѓана годишно добивала околу 500 евра од тантиеми.
Најголемиот страв на Слаѓана стана реалност?
Она што најмногу ја вознемирува јавноста е судбината на нејзината внимателно чувана колекција на сценски костими и круни. Нејзиниот близок пријател откри дека најголемиот страв на Слаѓана бил нејзиното уметничко наследство да не биде заборавено или уништено, што за жал, во моментов изгледа како реална закана додека трае спорот за нејзиниот имот.
