Косата може да се бои со природни препарати кои освен што ќе ја осветлат вашата коса имаат и важна улога во негата на косата.
Дали сте знаеле дека косата може да се осветли за дури три нијанси и тоа со цимет. Циметот на косата и дава сјај и мекост и не ја оштетува.
Најдобрите резултати од боењето на косата со цимет можат да ги почувстваат дамите со смеѓа коса, додека оние со потемна коса мораат повеќе пати да ја применуваат оваа маска со цимет, но сепак и тие ќе дојдат до посакуваниот резултат.
Потребно ви е: 3 лажици цимет, 3 лажици мед, 5 лажици балзам за коса.
Подготовка: Помешајте го медот со циметот добро да се поврзат, па во таа смеса додадете го балзамот, односно регенераторот кој вообичаено си го користите. Маската се нанесува на чиста, исушена коса.
Не ја нанесувајте оваа смеса на коренот од косата со цел да не го иритирате. По нанесувањето на маската, косата замотајте ја во пластична фолија, па со пешкир. Пешкирот тргнете го после 1 час, а маската под фолија нека остане на главата уште 4 до 5 часа. На крај измијте ја косата со топла вода.
И не заборавајте, оваа маска е наменета за осветлување на природните бои на коса, не на фарбаните. Применувајте ја маската два пати неделно, се до посакуваните резултати.
