Маскарата е неизоставен дел од шминката, но во лето може да создаде многу главоболки на оние кои ја користат.
Постојат дами кои целосно престанале да користат маскара само поради тоа што им остава црни траги околу очите. Но, едно е сигурно, секој кој сака може да користи маскара и на 40 степени, а важен чекор е начинот на нанесување.
Најпрво, избегнувајте да нанесувате крема или серум за околу очи непосредно пред шминкањето. Направете го тоа барем 20 минути порано. Исто така, потребно е да го „исушите“, односно матирате овој предел од лицето, за да избегнете пренесување на маснотии на трепките.
Маскарата нанесувајте ја најпрво на долните трепки, а потоа преминете на горните, со „цик-цак“ движења. Преку лето, избирајте водоотпорна формула и секако, користете квалитетни производи кои нема да се изронат во делот под очите.
