„Светот мора да ја запре Русија. Светот мора да ја запре војната. Помина веќе еден месец, толку долго. Моето срце се крши, срцето на сите Украинци и на секој слободен човек на планетата“.
Во новото видео објавено во раните утрински часови ноќта помеѓу 23 и 24 март, украинскиот претседател Володимир Зеленски го покани светот да учествува во акции за поддршка на Украина еден месец по почетокот на војната. Во видеото, говорејќи на англиски, тој вели дека „Руската војна не е само војна против Украина, нејзиното значење е многу пошироко“, „Ве молам да протестирате против војната почнувајќи од утре, точно еден месец по руската инвазија. Покажете го вашиот протест од вашите канцеларии, домови, училишта и универзитети.Направете го тоа во име на мирот. Направете го тоа со украински симболи за да ја поддржите Украина, да ја поддржите слободата, да го поддржите животот. Излезете на вашите плоштади, на вашите улици. Бидете видливи и бидете сигурни дека ќе бидете слушнати. Кажете си дека луѓето се важни. Слободата е важна. Мирот е важен. Украина е важна“.
„Војната на Русија не е само војна против Украина. Нејзиното значење е многу пошироко – вели Зеленски во видеото –„Русија ја започна војната против слободата. Ова е само почеток за Русија.“ „Русија се обидува да ја порази слободата на сите луѓе во Европа, на сите луѓе во светот“, рече тој. “Светот мора да ја запре Русија. Светот мора да ја запре војната. Помина веќе еден месец, толку долго. Моето срце се крши, срцето на сите Украинци и на секој слободен човек на планетата“, пренесува раињуз.
