– Како што најавивме и претходно, во следните денови времето во Македонија ќе биде сончево и СЕ ПОТОПЛО со мала до умерена, а утре повремено и локално и позначителна облачност. Во попладневните часови, и тоа особено во вторник локално ќе има услови за пороен дожд, грмежи и засилен ветер. Што се однесува до температурите, тие ќе бидат се повисоки и особено во почетокот од следната недела истите ќе се искачуваат во интервалот од 21 до 28 степени, додека од средината на следната недела температурите во најтоплите предели ќе се искачат дури и над 30 степени.
И во Скопскиот регион во следните денови времето ќе биде сончево и ТОПЛО со мала до умерена, а утре повремено и локално и позначителна облачност. Температурите ќе се искачуваат во интервалот помеѓу 23 и 27 степени, вели метео прогнозерот Славчо Попоски.
