– Како што најавивме, за време на викендот продолжува пролетното топло време, односно времето ќе биде сончево со мала до умерена локална облачност. Ќе дува слаб до умерен ветер претежно од северозападен правец, додека температурите ќе се искачуваат во интервалот од 16 до 22 степени.
Повеќе облачност ќе има во почетокот од следната недела, кога ќе има појава на повремен локален дожд – вели нашиот метео прогнозер Славчо Попоски.
И во Скопскиот регион за време на викендот ќе се задржи стабилно, суво и сончево време со мала до умерена локална облачност. Повеќе облачност ќе има во почетокот од следната недела кога ќе има услови за послаби локални врнежи од дожд. Температурите ќе се искачуваат во интервалот од 17 до 20 степени
