Полицијата во Лос Анџелес за медиумите соопшти дека во вила во Лос Анџелес е убиен маж, за време на вооружен грабеж, меѓутоа тие не го открија неговиот идентитет.
Веднаш по ова, сите светски медиуми објавија дека се работи за 20-годишниот рапер Поп Смоук, роден во Бруклин.
Двајца непознати маскирани напаѓачи провалиле во домот на 20-годишниот пејач во раните утрински часови.
Напаѓачите истрелале неколку куршуми во него, а потоа побегнале од местото на злосторството.
Полицијата соопшти дека лицето било однесено во болница, каде докторите констатирале смрт.
Се уште не е познат мотивот за убиството на младиот рапер.
На социјалните мрежи, многумина веќе се збогуваат со пејачот чие вистинско име е Башар Барака Џексон, меѓу кои Бела Хадид, Наоми Кемпбел, Травис Скот, Ники Минаж…
