Гоца Тржан за време на гостувањето во една емисија на телевизијата К1, отворено зборуваше за најтешките моменти низ кои поминале таа и нејзиниот сопруг. Поп ѕвездата истакна дека долготрајната борба за заедничко потомство уште повеќе ги зближила, и ја зајакнала нивната љубов.
– Мислам дека паровите кои навистина сакаат дете и се трудат да имаат деца, а не можат да имаат, чувствуваат болка до крајот на животот. Тешко е да се помириме со тоа и воопшто не сум сигурна дали на мажите или на жените им е потешко – рече Гоца на почетокот на разговорот.
View this post on Instagram
– Морав да бидам подготвена како жена која е 14 години постара од него, еден ден да ми каже: „Слушај, јас сепак сакам да имам дете, а ти веќе ја помина границата кога физиолошки можеш да родиш“. Немам право да го држам тој човек покрај себе и не го задржувам ниту сега – искрено призна пејачката.
– Тој е моја, а јас сум негова поддршка. Знаете, кога ќе се случи ин витро оплодување и кога ќе се случи неуспех во тој процес, тој секогаш ми вели дека му е многу тешко затоа што не може да понесе ниту еден дел од мојот товар. Се зависи од жените. Жените добиваат стимулација, жените поминуваат низ хормонални бури… Ментално е многу тешко. Хемијата и биохемијата функционираат така што сте толку напнати… Тоа е ПМС помножен со 100! И тоа трае, на пример, од почетокот на стимулацијата до почетокот на зачнувањето или до моментот кога ќе дознаете дека не сте бремени.
View this post on Instagram
