Меган имала чувство дека одделни членови на кралското семејство ја гледале од висина поради тоа од каде доаѓа, изјави изворот.
Од првиот момент кога се обелодени дека принцот Хари се забавува со Меган Маркл медиумите ја споредуваа американската актерка со избраничката на принцот Вилијам, Кејт Мидлтон. Цело време се пишуваше за нивниот стил на облекување, но во центар на вниманието се најдоа и манирите, образованието и воопшто, минатото на двете убавици, пишува Glossy.
Како што врската на принцот Хари и Меган напредуваше, особено по нивната венчавка, споредбите станаа секојдневие, а војвотката од Кембриџ Кејт и војвотката од Сасекс Меган секогаш изгледале како одлично да се согласуваат.
Се чини, сепак, дека претставниците на медиумите претчувствувале нешто – минатата година започнаа „шушкањата“ дека славните јатрви всушност „не се мирисаат“, а набрзо се прочу и дека нивните мажи се во лош однос, иако Вилијам и Хари отсекогаш биле не само браќа туку и најдобри пријатели. Судејќи според најновите вести, односот меѓу војвотките бил толку уништен што тие двете престанале да комуницираат.
Како што јавува The Sunday People, Кејт Мидлтон и Меган Маркл последен пат разговарале дури пред шест месеци, а дури и тогаш само во рамките на семејната група на една апликација за допишување.
„Меган имала чувство дека одделни членови од кралството ја гледаат од висина поради местото од каде доаѓа таа. Тоа предизвика многу нервози и ги направи односите лоши. Мораа да пронајдат начин да го решат тоа и да продолжат понатаму како семејство“, изјави извор близок на дворецот.
