Ирина Шајк (34) и Бредли Купер (45) конечно постигнаа договор околу заедничкото старателство врз 2-годишната ќерка Леа Де Сен.
На почетокот на оваа година брзо се согласиле и ги завршиле преговорите, така што во иднина цела грижа околу детето ќе ја делат заедно во Њујорк, пренесуваат странските медиуми.
Кај кого ќе биде девојчето ќе зависи од договорите и распоредот, со оглед на природата на нивната работа.
Ќерката им е секако на прво место и најбитна е нејзината среќа. Изминатите денови Леа поминува време со мајка си и често се видени на прошетка по улиците во Њујорк.
Потсетуваме дека парот минатото лето ја раскина 4-годишната врска од која имаат и ќерка. Постојат бројни шпекулации, а најмногу се оние кои наведуваат дека холивудскиот заводник ја изневерил манекенката до Лејди Гага (33). Приказната за неверството започнала после заедничкиот настап на актерот и пејачката на доделувањата за Оскар во февруари на кои биле премногу блиски.
