Славниот моден дизајнер Џорџо Армани реши додатно да и помогне на Италија во борбата против коронавирусот.
Имено, тој донел одлука сите негови фабрики на компанијата „Армани“ да произведуваат медицинска опрема која ќе користи за здраствените работници.
Италија, која е една од најзагрозените земји од овој вирус, има голем проблем со својот здравствен систем кој е преоптоварен, па така помошта на Армани сигурно ќе биде добредојдена.
Да потсетиме, Армани неодамна донираше 1.4 милиони долари, односно 1,26 милиони евра на Италија во борбата против коронавирусот, но не остана на тоа.
Армани даде додатни 2 милиони евра за болниците во Италија за да ја пребродат кризата, пишува агенцијата „Ројтерс“, а пренесува „Њујорк Тајмс“.
Инаку неговите фирми веќе изработуваат заштитни маски и тоа околу еден милион, па можеби и повеќе.
