Славниот бразилски фудбалер Нејмар доби ќерка со својата девојка Бруна Бјанкарди.
Фудбалерот се пофали на Инстаграм дека повторно станал татко и објави неколку заеднички фотографии со Бруна и неговата преслатка наследничка.
“Нашата Мави пристигна да ни ги потполни животите. Веќе те сакаме, ти благодариме што нѐ избра”, напиша гордиот татко.
View this post on Instagram
Нејмар пред неколку месеци се најде во центарот на скандал, бидејќи беше обелоденета приказната за неговото неверство. Фудбалерот, познат по забавите и „дружењето“ со атрактивни убавици, се најде во центарот на вниманието на јавноста откако беше објавена веста дека ја изневерил својата избраничка Бруна, која тогаш била бремена.
По бурата која се крена во јавноста, бразилската суперѕвезда реши јавно да ѝ се извини на Бруна за своето однесување.
„Сето ова се случи со луѓе кои се посебни во мојот живот. На жената за која сонував дека ќе биде покрај мене, мајката на моето дете. Ова беше удар за твоето семејство, кое сега е и мое семејство. Беше повредена нашата интимност во толку посебен момент како мајчинството. Бру, веќе се извинив за моите грешки, но чувствувам потреба да го направам тоа вака, јавно. Приватната работа стана јавна и затоа извинувањето треба да биде јавно“, напиша тогаш Нејмар и додаде:
“Не можам да замислам да не те имам покрај мене. Не знам дали меѓу нас ќе успее, но денес сум сигурен дека сакам да се обидам. Љубовта кон нашето бебе ќе победи, а љубовта што ја имаме еден со друг ќе нѐ направи посилни. Засекогаш ние. Те сакам“, напиша Нејмар на Инстаграм.
