Поранешниот италијански премиер Силвио Берлускони, познат по сексуалните испади на прочуените „бунга, бунга“ вечери официјално се раздели од партнерката, за да се гледа со жена која е 54 години помлада од него.
Милијардерот на 83 години ја напушти Франческа Паскале (34) после 12 години заеднички живот, но тие остануваат пријатели, наведе партијата на Берлускони, Напред Италија (Forza Italia).
Франческа Паскале изјави дека Берлускони секогаш ќе ѝ биде драг пријател и дека му ја посакува „сета среќа на светот“.
Berlusconi ha sido cazado en compañía de Marta Fascina, nacida en 1990, mientras salen de un hotel de lujo en Suiza. https://t.co/nvLXVd7PYW
— La Otra Crónica (@LaOtraCronica) March 5, 2020
Берлускони кој зад себе има два разводи, но со Франческа Паскале не се венчаше, падна на шармот на манекенката Марта Фачина, која има 30 години и е пратеник од неговата партија.
Италијанските таблоиди претходно објавија дека таа имала обичај да спие кај Берлускони, за да му биде веднаш достапна за работните состаноци.
Франческа Паскале живее во луксузна вила која претходно и ја купи Берлускони.
Папараците неодамна обелоденија и фотографии на новата љубовна двојка како излегува од еден хотел во Швајцарија.
Берлускони претходно беше осуден на седум години затвор поради проституција со малолетнички за време на организираните вечери. Казната во жалбената постапка му е укината.
Моментално против Берлускони се води постапка зошто го плаќал молчењето на девојките кои присуствувале на тие вечери кои често се претворале во оргии.
