Го чекавме, го дочекавме, и го го испратиме, долго најавуваниот летен дожд. Типично за летен дожд, трае кратко, но истура силно. Се освеживме колку – толку. Такви се и следните факти за дождот, кои можеби не сте ги знаеле – кратки ама слатки.
1) Врне дожд насекаде
Дали знаевте дека врне и на други планети? Сепак, изгледа малку поинаку. „Тркнете“ до Сатурн за да бидете сведоци на „дождот“ од дијаманти или на Венера за да го видите дождот од сулфурна киселина (или прочитајте за тоа на Интернет). Дали сте слушнале за прекрасната, сина Exoplanet HD 189733b? Внимавајте – дневната температура надминува 1000 ° C и врне стакло!
2) Фантомски дожд?
Во некои многу топли и суви региони дождот не ја навлажнува земјата (нема време!). Едноставно испарува, погоден од топол воздух. Понекогаш се опишува како „фантомски дожд“.
3) Најсувото место на Земјата
Мислевме дека пустините се најсувото место на Земјата, но грешевме. Всушност, тоа е Антарктикот каде што речиси никогаш не врне. На овој оддалечен континент врне само неколку сантиметри дожд годишно.
4) Врне риба
Во градот Јоро во Хондурас врне риба! Мали сребрени риби паѓаат од небото за време на големи бури најмалку еднаш годишно. Она што е чудно е што рибите не се ниту локални во таа област. Магија? Не баш – има научно објаснување за „дождот од риба“ – наводно, тие се доведени до Јоро од морските торнада.
5) Врне долго време
Дождот постои долго време – Научниците открија фосили со вдлабнатини од капки дожд кои датираат уште пред 2,7 милијарди години.
6) Жито дожд – Кина
Житниот дожд е шестиот сончев термин во традиционалниот кинески календар. Се одржува во април и значи дека пролетта завршува, температурата се зголемува и ќе врне многу! Тоа е најдобро време за земјоделство и дождот се слави како симбол на добрите оризови култури.
7) Ритуали за повикување дожд – Северна Америка
Танцот за дожд потекнува од домородните американски племиња, а некои од нив и ден денес се изведуваат. Танчарите веруваат дека со нивните движења можат да го повикаат дождот.
8)Дождот е причината зошто постои временската прогноза.
Кога еден американски сопственик на радио еднаш накиснал до гола кожа од дождот, тој решил да ја воведе категоријата „временска прогноза“.
9) Изреки и поговорки за дожд – Европа
Ако живеете во Унгарија, бидете внимателни ако врне дожд на 8 јуни – тоа значи дека нема да престане да врне во следните 40 дена. Лоши вести – дождливиот 25 мај значи дека виното ќе закисели. Ако забележите крави како лежат на ливадата во Полска, можете да бидете сигурни дека дождот доаѓа! Ако слушате ѕвона од овци во француските планини… така е – ќе врне. Има многу изреки и поговорки за дождот во сите култури и, иако е смешно, понекогаш се вистинити!
10) Највлажното место на земјата
Верувале или не, Мавсинрам, село во северо-источна Индија има неверојатни 11.871 мм дожд во просек секоја година. Колку за споредба, Сноудонија во Велс има просечни годишни врнежи од нешто повеќе од 3.000 мм. Понесете си добар пар гумени чизми за во Индија!
