Неочекувано пријателство и совршена уметничка унија: Дуа Липа и Елтон Џон, не се исти само по специфичниот стил.
Светот на забава е полн со неочекувани пријателства, или соработки помеѓу уметници кои тешко би можеле да ги замислиме заедно, бидејќи имаат различно минато, потекло и жанрови, или затоа што биле на врвот на славата во сосема различни периоди. Професионалното пријателство помеѓу Дуа Липа и Елтон Џон, на површен поглед, би можело да спадне во оваа категорија.
Впрочем, двајцата, (тој има 74 години, таа има 26 години), се различни „деца“ од различни времиња. Имаат заедничко, се чини, само едно: музиката. Но дури и таму, судејќи според начинот на правење музика на младата британска поп ѕвезда кој е толку различен од оној на супериконата, кој во текот на неговата кариера се движел помеѓу толку многу жанрови што невозможно е да ги наброиме. Накусо, нема споредба. Меѓутоа, при поблизок преглед, нешто друго излегува на површина. Стилот!
По соработката на „Cold Heart“ Елтон Џон рече: „Последните 18 месеци беа тешки, но да се чувствувам малку подобро беше тоа што соработував со прекрасни уметници кои ми овозможија да се вратам на своите корени“.
И потоа додаде: „Да се има можност да се поминува време со Дуа, макар и од далечина, беше неверојатно. Ми даде многу енергија. Таа е навистина уметник и посебна личност, преполна со креативност и идеи “. На иста линија, а како и би можело да биде поинаку, е она што го рече Дуа: „Се запознавме преку Интернет и веднаш се разбравме. Елтон е инспирација и има дрска и провокативна смисла за хумор: совршена комбинација.“
И оваа енергија е видлива на фотографиите што самата поп -ѕвезда ги објави на својот профил на Инстаграм. Всушност, во кадрите ги гледаме двајцата колеги како позираат по повод лансирањето на ремиксот. Многу стилски дотерани и јасно во склад, тие ја засенија секоја друга ѕвезда. Таа со сензуална и интересна игра на модните парчиња (проѕирни), тој со пастелен костум кој потсетува на сладолед од фстаци. Прекрасно!
