Почнувате да посетувате фитнес сала и веднаш се поставува прашањето – колку време е потребно за да се видат првите резултати?
Истражувањата покажуваат дека резултатите се различни кај секоја личност, кај некои тие се видливи за покусо време, додека други потешко го обликуваат своето тело. Сепак, постојат правила кои мора да се почитуваат доколку сакате да почувствувате резултати во рекордно време.
Луѓето кои тренираат два до три пати неделно веројатно нема да видат големи и брзи промени на телото, зашто толку вежбање не е доволно. Фитнес стручњаците советуваат дека за видливи резултати неделно треба да се тренира 5 до 6 пати.
Секојдневните тренинзи не мора да бидат долги, доволен е тренинг од 30 до 45 минути. Понатаму, стручњаците советуваат дека тренинзите не мора да бидат во сала, доволно е и ако само брзо одите, трчате или возите велосипед.
Ако тренирате 5 до 6 дена во неделата, првите резултати ќе ги видите за еден месец. Ќе можете да забележите затегнување на мускулите, но салото сеуште ќе постои. После три месеци ќе забележите значајни промени, истенчување и дефинирање на мускулите, додека салото значајно ќе се намали за 6 месеци тренинг.
