Во недела, на 30 јуни, американскиот рапер Канје Вест пристигна во Москва. Руската ТВ водителка Јана Рудковскаја прва ја објави веста на нејзиниот профил на Телеграм.
Таа, исто така, додаде дека обожавателите имаат „одлични шанси“ да го видат Вест на Црвениот плоштад.
Руското издание Mash го објави договорот потпишан од Канје Вест и неговата сопруга Бјанка Ценсори. Според изданието, американскиот уметник треба да дојде во Москва со тим од 25 луѓе. Условите предвидуваат Вест да одржи концерт, но дека концертот „нема да се одржи само доколку организаторите не исполнат барем една клаузула од договорот“.
Договорот вклучува и обезбедување, луксузен хотел со пет ѕвезди и прва класа во авион. Списанието тврди дека организаторите потпишале договор со уметникот на 7 мај, а раперот веќе добил аванс.
Подоцна, руското списание „Москвичка“ ја потврди информацијата за пристигнувањето на Вест во Москва. Тие изјавија дека целта на посетата е роденденот на модната дизајнерка Гоша Рубчински, главниот дизајнер на брендот за облека Yeezy, кој му припаѓа на раперот.
Истата информација ја потврди и руското издание Шот.
„Гоша Рубчински организираше банкет во ресторанот Белуга спроти Црвениот плоштад во чест на неговиот 40-ти роденден, на кој присустуваше и Вест“ изјави за SHOT еден пријател на модниот дизајнер.
Руските медиуми пишуваат за сумата што Вест ја платил за ручекот во популарниот ресторан Гуме. Имено, американскиот рапер им платил ручек на целата екипа, честејќи го и дизајнерот Гоша Рубчински. А оставил и бакшиш за келнерите.
„Ручекот во Гуме го чинеше Канје околу 9.000 евра. Сметката беше околу 8 илјади евра, а бакшишот илјада евра. Канје беше придружуван од седум телохранители. Целиот тим нарачал дури 30 порции од менито. Самиот тој, како вистински Американец, пиел кока-кола без шеќер и јадеше печен лосос со песто и билки. Во исто време, тој разговараше за проект поврзан со Русија“, објавија руските медиуми.
Познато е и дека Канје Вест престојувал во апартман во хотелот Фор Сизн со поглед на Црвениот плоштад.
Среќлии на неделата: Три хороскопски знаци кои ќе имаат луда среќа од 1 до 7 јули
