Пластична, дрвена или од бамбус – секој има омилена, но најважно е да користиме различни даски за свежо месо, за зеленчук и за овошје, бидејќи кујнските даски се плодна почва за многу бактерии, особено за салмонела и за ешерихија коли.
Истражувањата покажале дека кујнската даска може да содржи и до 50 пати повеќе бактерии отколку шолјата во бањата.
Дрвената даска е мека и на нејзе лесно се работи. Студиите покажале дека салмонелата на нив помалку се шири отколку на пластичните даски. На дрвените даски бактериите потонуваат далеку под површината каде што не се размножуваат и на крај умираат. Ако правилно ја одржувате, може да трае со години. Никако не ја ставајте во машина за миење садови.
Пластична – Полесно се одржува бидејќи може да се мие и во машина за задови, но во неа се прават подлабоки засеци во кои се собираат бактерии. Пластичните даски според истражувањата имаат повеќе бактерии од дрвените. Затоа е многу важно по користењето да ја измиете даската и да ја оставете целосно да се исуши.
Бамбусова – Бидејќи впива помалку вода од дрвените даски, многумина веруваат дека од хигиенски причини бамбусот е вистински избор. Проблемот е што бамбусот е потврд од дрвото, што значи дека може да ги оштети ножевите. Експертите ја препорачуваат даската од бамбус за поситно сецкање, но треба да внимавате да биде без формалдехи.
