Водителот Дамјан Дренковски откри дека има две мајки. Дренковски, кој неодамна се ожени и се пресели во Америка сподели интересна објава на Инстаграм.
– Среќен е оној кој има две мајки. Денес е родена мојата втора небиолошка мајка Лила Филиповска. Среќен роденден, и најдоброто допрва доаѓа.
За уште многу незаборавни патувања и бесценети моменти заедно – напишал Дамјан, а ова инстаграм-приказна ја споделила и Лила.
Ова е објавено на роденденот на Лила Филиповска, нашата позната водителка и инфлуенсерка која наполни 54 години.
Дренковски се ожени во Америка со својата сакана Александра Огненовска на крајот од септември, а за убавите вести на социјалните мрежи се пофали Лила Филиповска, негова блиска другарка.
Претходно, Александра објави видео на кое го покажа свршеничкиот прстен откривајќи ѝ на јавноста дека тој ја прашал дали ќе му биде сопруга, а таа со радост прифатила. Двојката веќе неколку месеци живее во Америка и споделуваат интересни видеа од нивните заеднички патувања.
