Весна Бејби Петрушевска, откако пред неколку години ѝ падна автомобилот во Вардар, стана дел од рекламната кампања на ЕВН за плаќање на сметки онлајн, но и таа е згрозена од сметките кои ѝ пристигнаа за струја во јануари и реагираше со видео објава на Фејсбук, пишува „Слободен Печат“.
„Слушам се жалите поради сметките за струја. Да ви кажам, мене едната ми е 14.000 денари, другата 18.000 денари. Знаете кога ќе им ги вадам јас сметките друг пат од вода? Кога јас ќе се фрлам во Вардар, па нека ме вадат ЕВН од таму. Стварно се ненормални“ вели Петрушевска.
Шокирана од висината на нејзините сметки, таа вели дека „човек не знае што да прави кога ќе ги види тие сметки“.
„На крај мора да платиш. Рекетари едни“ додава на крајот Петрушевска.
Со оглед на тоа што многу граѓани деновиве реагираа на енормно покачените цени за струја од компанијата ЕВН соопштија дека станува збор за редовно порамнување и тоа што од 1. јануари поскапи струјата за 9,48 проценти, а се укина и дневната ефтина тарифа за струја. Ноќната евтина тарифа и евтината тарифа во недела останаа.
КОРИСНИ СОВЕТИ ЗА 2022 ОД ВЕСНА ПЕТРУШЕВСКА: Не верувајте им…
