Познатиот кубански пејач и текстописец Хуан Карлос Формел почина на 60-годишна возраст.
Како што пренесува „Дејли мејл“, тој доживеал срцев удар додека бил на сцена, за време на настап во Њујорк на 26 мај.
Perturbador, el bajista de los Van Van Juan Carlos Formel sale caminando del escenario en pleno concierto y muere minutos después
Se cree que sufrió un infarto pic.twitter.com/kL82m3otJN— El Pana (@ElPana_CU) May 27, 2023
Формел беше син на музичката легенда Хуан Формел. Тој е роден во Куба, но во 1993 година се преселил во Њујорк, а откако татко му починал во 2014 година, го зазема неговото место како басист во афро-кубанската група „Лос Ван Ван“.
Неговиот брат Самуел е тапанар во споменатиот бенд, додека неговата сестра Ванеса е пејачка. Тие заедно настапувале во Бронкс, кога Хуан Карлос ненадејно се срушил во близина на завесата на задниот дел од бината, откако доживеал срцев удар.
Бендот направи пауза од половина час, а потоа излезе пред публиката и кажа дека басистот има здравствени проблеми, а потоа свиреа уште еден час за да ги испочитуваат присутните, се наведува понатаму во написот на „дејли меил“.
Покојниот Хуан Карлос потекнува од семејство на одлични музичари, бидејќи речиси сите негови предци биле ѕвезди во оваа уметност.
Доказ за неговиот талент е фактот дека тој беше номиниран за Греми во 2000 година за неговиот деби албум „Songs from a Litlle Blue House“.
