Српскиот фолк пејач Саша Матиќ заработката ја ги инвестирал во вредни недвижности во Србија и во Црна Гора, како и во голем туристички проект на планината Тара вреден 35 милиони евра.
Највредниот имот на семејството Матиќ е историска вила од 18 век, сместена веднаш до морето во Пераст во Бока Которска, која пејачот ја купил заедно со сопругата Ангелија. Според наводите од јавноста, оваа зграда под називот „Палата Баловиќ“ ја платиле два милиони евра, а се протега на два ката и има четири соби и пространи салони.
Објектот има и исклучително историско значење, бидејќи во него во 1844 година престојувал Петар Петровиќ Његош и ја напишал посната „Ноќ на вековите“ („Париз и Хелена“), за што и денес сведочи спомен-таблата на влезот. Саша често истакнува дека најмногу сака да престојува во Пераст во септември и дека таму се чувствува исклучително моќно, пишува српски „Блиц“.
Саша со сопругата Ангелија и ќерките Тара и Александра живее во луксузната куќа на два ката во белградски Кошутњак, која со ограда е скриена од очите на јавноста. Куќата се наоѓа во непосредната близина на Здравко Чолиќ, а нејзината вредност се проценува на околу 400.000 евра.
Семејството веќе со години поседува и четирисобен стан во Дипломатската населба на Баново брдо во Белград, со кој, според податоците од катастарот на недвижности, е регистрирана и гаража. Како љубител на планински одмори и дестинации познати по добрата забава, Матиќ инвестирал и во двособен стан во Златибор, на територијата на општина Чајетина.
Покрај инвестирањето во станбени згради, пејачот се испробал и како инвеститор и е еден од партнерите во изградбата на луксузниот угостителско-туристички комплекс на планината Тара. Овој проект се простира на три хектари и е вреден 35 милиони евра.
Одморалиштето ќе има 250 луксузно опремени апартмани, додека придружните содржини ќе се состојат од два големи спа центри на 2.000 м2, теретана, кафулиња, вински бар, ресторани и други содржини.
