18.4 C
Скопје
23:50 - 18 јуни, 2026

ВЕЧЕН НЕПРЕБОЛ: На денешен ден светот ја изгуби принцезата Дијана на само 36 години

од И. Т.
дијана принцеза

На денешен ден омилената принцеза на целиот свет го загуби животот на само 36 години, оставајќи го светот во шок. Дијана беше најпозната по својот опуштен стил и по нејзината хуманитарна работа.

На 31 август 1997 година, нешто по полноќ во тунелот Пон де лА Алма во Париз принцезата Дијана во црниот Мерцедес бегајќи од папараците, трагично го загуби својот живот. Под неразјаснети околности, автомобилот изгубил контрола и удрил во столб…

„Боже, што се случи?“, Дијана ги прашала докторите кои први ѝ пришле на местото на несреќата, и тоа биле нејзините последни зборови, пишува „Дејли Мејл“.

Заедно со Дијана во автомобилот, заедно со возачот и телохранителот, бил и Доди Фајед, египетскиот режисер и син на многу попознатиот милијардер Мохамед Ал Фајед.

„Беше во шок, не знаеше што се случило. Ја извлековме од возилото, и штом ја легнавме, на принцезата ѝ застана срцето“, изјавил докторот кој меѓу првите пристигнал на местото на несреќата.

Принцовите Вилијам и Хари го обвинија новинарот Мартин Башир за неетичко однесување што ја предизвикало трагедијата.

„Домино ефектот на културата на искористување и неетички практики на крајот ѝ го одзеде животот“, во една прилика истакна Хари.

Мартин Башир, новинар на „Би -Би -Си“, кој со измама ја убеди принцезата Дијана на експлозивно интервју, им се извини на принцовите Вилијам и Хари, но рече дека е „неразумно“ да се поврзат неговите постапки со нејзината смрт.

Во интервјуто, покојната принцеза Дијана откри многу интимни детали за нејзиниот брак.

Дијана оваа година ќе наполнеше 60 години, па нејзините синови ја открија нејзината статуа во градината на Кенсингтонската палата во Лондон, каде што живееше.

Дијана Спенсер се омажи во 1981 година со тогаш 12 години постариот принц Чарлс, од кого се разведе во 1996 година, точно една година пред нејзината смрт. Потоа, Чарлс се ожени со Камила, со која исто така бил во врска за време на бракот со Дијана.

 

После тоа, принцезата започна врска со Фајед, во чие друштво се чини дека за последен пат уживаше тоа кобно лето.

Принцезата беше омилена меѓу Британците, а покрај својот гламурозен живот, се истакнуваше и со својата исклучителна хуманитарна работа низ целиот свет.

Слични објави

Драгана Мирковиќ проговори за 8-месечната внука: Првиот збор ѝ е „бабо“, тоа ми е најдрагата титула

E.A.

Сузана Манчиќ се прости од Лидија Маниќ: Смртта на поранешната мис Југославија ја потресе јавноста

Еспресо

(Фото) Северина во високо друштво и во високи поптетици го гледала натпреварот помеѓу Хрватска и Англија

Еспресо

„Татко ми се срамеше кога открив дека израснал во дом“ – Слаткар со лична семејна приказна

Еспресо

Шако Полумента тврди дека неговата сопруга е „света“, но ја изневерувал каде што стигнал: „Таа знае за сите мои љубовници“

Еспресо

Министерот за надворешни работи на Босна и Херцеговина бара забрана за концертот на Јелена Карлеуша во Сараево

Еспресо
Се вчитува....