Австралиската пејачка и текстописец Сиа призна дека размислувала за самоубиство откако добила многу критики поради филмот „Music“ кој го објави минатата година.
„Сакав да се убијам. Се вратив на своите пороци, а потоа отидов на рехабилитација“, изјави Сиа во интервју за „New York Times“, пренесува „PAGESIX“.
View this post on Instagram
Имено, јавноста ја осуди бидејќи ја ангажирала својата долгогодишна соработничка Меди Циглер да глуми дете со аутизам. Таа не страда од оваа болест во реалниот живот.
„Се обидов да работам со едно девојче со аутизам и снимањето ѝ беше стресно. Затоа решив да ја изберам Меди“, изјави 46-годишната сиа.
View this post on Instagram
Да потсетиме, Сиа пред неколку години отворено зборуваше за борбата против зависноста. Во интервју за „Billboard“ во 2013 година, таа изјави дека порано била зависничка од разни дроги, но и од алкохол. Меѓутоа, во септември 2018 година таа објави дека е „чиста“ осум години.
