Џастин Бибер влезе во индустријата за канабис лансирајќи пакетчиња од 32 долари со „сролани“ џоинти по име „Peaches“
Џастин Бибер најави партнерство со компанијата за канабис „Palms“ со седиште во Лос Анџелес, за да произведе пакувања со седум џоинти, кои првично ќе се продаваат само во Калифорнија, каде што рекреативната употреба на марихуана е легална за постари од 21 година, пренесува „Гардијан“.
Канадскиот пејач рече дека сака да лансира сопствен асортиман на производи од канабис за да помогне да се отстрани стигмата поврзана со билката и се надева дека неговата употреба може да им помогне на младите луѓе со проблеми со менталното здравје.
View this post on Instagram
„Јас сум фан на „Palms“ бидејќи го прават канабисот достапен и помагаат да се дестигматизира – особено за многу луѓе кои сметаат дека е корисен за нивното ментално здравје“, вели Бибер во изјавата. „Сакав да се уверам дека правам нешто со нив што е искрено, а „Peaches“ е добро место за почеток“.
Производот е именуван по хитот на Бибер во март 2021 година, „Peaches“. Текстот на песната започнува: „Купувам праски во Џорџија, купувам трева од Калифорнија“.
„Мислев дека луѓето се обидуваат да направат да се чувствувам лошо кога уживам во трева“, изјави Бибер за „Вог“. „Но, сега најдов место во мојот живот за производи од канабис кои беа корисни во моето човечко искуство“.
