Ако постои некој што може да се инспирира од сè, па дури и од еден обичен ден во неделата, за многумина најздодевниот – понеделник, тогаш дефинитивно тоа е нашиот Игор Џамбазов.
Џамбаз напиша фантастична песна опишувајќи го понеделник како еден посебен ден. Песната „Понеделнички“ е љубовна, музиката е брза, исто така дело на Џамбазов, а аранжманот го спакувал Давор Јордановски.
Пејачот Дарко Гроздановски ја донесе во најдобро можно светло.
„Таа работи на шанк од осум и пол до два. Ги знае скоро сите само нема појма кој сум jac. Понеделнички спроти неа на шанкот седнувам, ама од пусти срам ниту еднаш во неа не погледнувам“, се вели во песната.
И спотот е како краток филм кој го прикажува заљубеното срамежливо момче коешто секој понеделник оди да ја види девојаката во којашто ја заљубен, во кафулето во коешто работи таа. Тој нема храброст да ѝ пријде па додека го пие кафето пишува стихови за неа.
Главната улога во видеозаписот ја има преубавата менекенка Моника Црнокрак. Во одредени кадри ќе го видиме и Игор.
Слушнете ја песната, нема да ви излезе од глава.
