Расправии на далечина меѓу Џеф Безос и Џо Бајден: овој пат кавгата се води на Твитер. Основачот на Амазон го критикува претседателот на САД за неговите изјави за инфлацијата и за цената на бензинот која незапирливо расте во Америка.
Овој пат Безос ги извади изјавите на американскиот претседател, кој побара од компаниите кои управуваат со бензинските пумпи да ја намалат цената на бензинот на начин „што мора да го одразува трошокот што го плаќате за производот“.
Реакцијата на Безос стигна веднаш, критикувајќи го Бајден и обвинувајќи го дека нема познавање на основните пазарни правила за понуда-побарувачка.
Ouch. Inflation is far too important a problem for the White House to keep making statements like this. It’s either straight ahead misdirection or a deep misunderstanding of basic market dynamics. https://t.co/XgKfEICZpk
— Jeff Bezos (@JeffBezos) July 3, 2022
„Уф. Инфлацијата е премногу важно прашање за Белата куќа штом продолжува да дава вакви изјави“, напиша Безос на Твитер. „Тоа е или пренасочување или длабоко недоразбирање за основната пазарна динамика“, додава основачот на Амазон.
Одговорот на Безос се однесува на твитот на Бајден, кој нагласи дека „ова е време на војна и глобална опасност“ и затоа ги повика компаниите што управуваат со бензинските пумпи „да ја намалат цената на горивото“ и тоа да го направат „сега“.
