Изгледа дека животот на денешните тинејџ ѕвезди е далеку повозбудлив отколку некогаш. Претходно поминуваа децении пред некој да се осмели да направи документарец за уметниците, а да не зборуваме за книгите.
Денес, сето тоа оди малку побрзо. Иако Били Ајлиш на 18 декември наполни дури 19 години, стриминг сервисот „Apple Tv+“ веќе го најави документарецот за нејзиниот живот.
Документарецот беше најавен во септември и го носи називот „Billie Eilish: The World’s A Little Blurry“, а фановите се возбудени што нивната омилена ѕвезда ќе ја видат во несекојдневно издание, но и ќе ѕирнат зад сцената.
Во трејлерот се прикажани и приватни снимки од домот на Били, настанати за време на нејзиното детство, но и снимки од студијата, кои настанале оваа година.
Како што се наведува во описот за документарецот, тој го следи животот на младата пејачка, кој се менува од корен кога таа на 17 години станува светски славна ѕвезда…
Премиерата е закажана за 26 февруари 2021 година. Погледнете го трејелерот…
