Љубовниот живот на Сораја веќе со години е мистерија, а тоа и би останало така ако во Москва не ја посетеше нејзината најдобра пријателка Ана Корач. Таа на Инстаграм покажа како ужива со другарката која долго не ја видела, а и на сите гордо им го претстави долго криеното момче на Сораја.
Корач објави фотографија проследена со реченица која јасно укажува дека човекот на фотографијата е во врска со Сораја.
„Конечно и јас да го запознаам зетот, напишала Ана и ја означила Сораја, со што привлече огромно внимание на јавноста.
Човекот на сликата е 39-годишниот Курбан Омаров, познат руски блогер и бизнисмен, кој е многу популарен на друштвените мрежи со оглед на тоа што на Инстаграм го следат повеќе од 2,5 милиони луѓе, пишуваат српските медиуми.
Сопственик е на неколку успешни компании, основач на еден популарен Јутјуб канал каде што се емитувало и неговото реално шоу, а се вбројува во триесетте најпознати руски блогери на Инстаграм.
Со сите овие референци од неговата биографија Сораја би можела и да се фали, само Курбан да не е оженет и да нема четири деца.
Богатиот Русин има син и три ќерки, зад себе има еден пропаднат брак, а во 2015 година се оженил со познатата руска ТВ водителка и глумица Ксенија Бородина, со која според мноштвото заеднички фотографии на друштвените мрежи, има идиличен брак.
Останува да се дознае дали токму тој е дечкото на Сораја или приказната на социјалните мрежи е обелоденета само поради медиумско внимание.
